khadra47 عضو جديد
وطني : تاريخ التسجيل : 02/04/2011 عدد المساهمات : 13 عدد النقاط : 35 العمر : 32
الجنس : العمل : شعوري : السٌّمعَة : 0 الموقع : khadra47@yahoo.com
| موضوع: قلبي تفكر لوطان ... مصطفى بن براهيم أحد شعراء الجنوب السبت يونيو 18, 2011 1:30 pm | |
| قلبي تفكر لوطان ... مصطفى بن براهيم
________________________________________ قلبي تفكر لوطان و الهالـــــــــــة *** راني مهوّل مانيش فـــي حالــي قلبي تخبّل بالوحش تخبالـــــــــــة *** و علاه يا مرو غريب تلغى لــي نوبة نجالس شي ناس عقالـــــــة *** و نقول ذا لوّل خير مــن التالـي نوبة نتفكّــــــــر يــــــا لمثالـــــــة *** و يثور جرح المحنة و يربى لـي و من بعد ما كنت عزيز في حالة *** ماني شي باخس بسومتي غالـي شاني مع الطلبة شعت بمسالـــــة *** و نآمر الجن و علاش يهوى لي ولّيت قاضي عندي العدالــــــــــة *** و نفكّ بين الشرّاع بفصالــــــــــي اعييت قايد بطبول زعالــــــــــــة *** و الحكم يظلم ما درت بفعالـــــــي اهلي و ناسي في الشوم رجّالــة *** اشحال من فجّ هداوه خالــــــــــي اركاب م البعد يبان شعّالـــــــــــة *** و القاط كمخة و السرج فيلالــــي بارود يخرج م الجعب يتكالـــــى *** شبان تنطح في الشوم بمشالــــــي ****** قلبي تفكر لوطــــــــــــــــــــــــان *** الزهور و ركوب الخيـــــــــــــــــل ارعيتي و الفرســـــــــــــــــــــان *** خودات في حراج تميــــــــــــــــــل متحزمين للّفّـــــــــــــــــــــــــــان *** شبان يلغو بكحيــــــــــــــــــــــــــل إذا انتصب اليـــــــــــــــــــــــدان *** قلال و قصب تاويـــــــــــــــــــــــل و تقاصر و الغيــــــــــــــــــــوان *** و فرايج طول الليــــــــــــــــــــــــل سبسي و كيف الدخــــــــــــــــان *** سهرات بضي القنديــــــــــــــــــــل امشي نقار العديـــــــــــــــــــــان *** ما فات الزهو قبيــــــــــــــــــــــــل اخلي بلاصي و لا موالـــــــــــي *** ملكوه من لا يرضاو بقوالـــــــــــي ****** اعييت صابر و سفاني راحلـــــة *** هسيت من وطني ايام و ليالـــــــي امحان قلبي كي جات متاصلــــة *** الوحش و الحب فرقة رجالـــــــــي نوبات صاحي و ايامي قايلــــــة *** و الضحك لحظ النوبات يحلى لــــي لحباب ذا الشدة جاتني طايلـــــة *** و شتا ينسّي ذا التل من بالــــــــــي نوبة مغيّم و دموعي سايلـــــــة *** السير في وذني و الحزن طالــــــي ****** غاب الحيا و الميثــــــــــــــــــاق *** من ناس جيلي لقشــــــــــــــــــــور افناو ناس العشــــــــــــــــــــــاق *** و مشاو ذوك الطيــــــــــــــــــــــور لوكان يرضو بتّفــــــــــــــــــــاق *** نهدّمو كم من صــــــــــــــــــــــــور انقوم عسكر و نـــــــــــــــــــداق *** بسيوف و جعب و الكـــــــــــــــــور نسعاو مال الطيـــــــــــــــــــــاق *** احرايم و عرب و قصـــــــــــــــــور عطوش بكور و ســــــــــــــواق *** الزهو مولاه ينــــــــــــــــــــــــــــور لحراج حمام فـــــــــــــــــــــراق *** و كحيل يلغى بالجـــــــــــــــــــــــور القاط كمخة و تمـــــــــــــــــــاق *** العَوْد لظوة و شبـــــــــــــــــــــــــور حصراه وين التبــــــــــــــــــلاق *** خيري تبدّل بشــــــــــــــــــــــــــرور ****** بعد الحصن و القومان تتشالــى *** شوّاش و خلفوات اعمالـــــــــــــــي حصراه كنت بقومي و خيالـــــة *** و فعلت كي نعج سويد بامحالـــــــي خوذات بالعشق حنان هبالـــــــة *** بعطور و روايح مسك و غوالـــــي وطني سفيزف واهلي بني تالــة *** الحكم في بلعبّاس يهوى لـــــــــــي قهوة و كرسي و الناس متقابلة *** و الشراب بعد ما يمرارّ يحلالــــــي ولّيت عاشر شي ناس جهالــــة *** و قليل من يعرف لغوة قوالـــــــــي يهدو القرق و يلبسو النعالــــــة *** و الراس عريان تقول هُبالــــــــــي زرت شيوخ و وليا و بدّالـــــــة *** و طلبت راع الحمرا البدّالـــــــــــي يريدني كيف قبيل بن لالــــــــــة *** الخير مولاه يجود من تالــــــــــــي قولو عللى صفى يا القوّالـــــــة *** شوفوه كيف رخص بعدما غالـــــي
| |
|
BRAHIM صاحب الموقع
وطني : تاريخ التسجيل : 29/03/2011 عدد المساهمات : 99 عدد النقاط : 270 العمر : 35
الجنس : العمل : شعوري : السٌّمعَة : 0
| موضوع: رد: قلبي تفكر لوطان ... مصطفى بن براهيم أحد شعراء الجنوب الأحد يونيو 19, 2011 1:06 pm | |
| | |
|