منتـــدى آفــاق المنيعــة
زياراتكم تسعدنا و تسجيلاتكم تشرفنا ومساهماتكم تزيد في رقي المنتدى

أهلا وسهلا بك يا زائر في منتدى آفاق المنيعة نتشرف بانضمامك إلينا





 
الرئيسيةبوابة المنتدىالتسجيلدخولمركز رفع الصور

شاطر | 
 

 نكة جزائرية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
SALAME25
عضو جديد
 عضو جديد
avatar

وطني :
تاريخ التسجيل : 25/04/2011
عدد المساهمات : 8
عدد النقاط : 25
العمر : 28

الجنس : ذكر
العمل :
شعوري :
السٌّمعَة : 0
الموقع : المنيعة

مُساهمةموضوع: نكة جزائرية    الخميس يوليو 07, 2011 4:55 pm

السلام عليكم ورحمة الله تعالى وبركاته
اقدم لكم نكة جزائرية فارجو ان تنال اعجابكم



قالك واحد النهار معسكري راح وهران دخل تاكسيفون (هاتف عمومي)
سقساه صاحب تاكسيفون واش من بلاد قالو من معسكر قالو صاحب تاكسيفون
يقولو بلي معسكرية ناقسين فهامة ومتخلفين قالو لا يقولو برك
قالو صاحب التاكسيفون نعطيك لغز الا جاوبتني عليه نعرفكم بلي متقدمين فقال له امي انجبت توام واحد في فرانسا والاخر اين ؟
قال المعسكري في فرنسا؟ لا, في ايطاليا؟ لا. في امريكا؟ لا .في...........
فقال له لم اعرف الاجابة فاجابه صاحب التاكسفون الاخر هو انا.
وعند عودته الى بلاده اراد المعسكري ان يبين لاصدقائه انهم متخلفون فاخبرهم باللغز فاجابوه في فرنسا؟ لا. في باريس ؟لا, في امريكا؟ لا,في....
فاجابهم المعسكري انه في تاكسيفون في وهران.




قالك واحد عربي والاخر فرنسي والاخر امريكي وجدو مصباح سحري
فخرج منه عفريت فقال لهم كل واحد منكم ساحقق له امنيه واحدة ولكنها تصبح ضعف لاقرب صديق لكم.فتمنى الامريكي فيلا فاصبح صديقه يمتلك فيلتان .وتمنى الفرنسي سيارة فخمة فاصبح صديقه يمتلك سيارتان
وفي امنية العربي تمنى ان تقتلع عينه واحدة.




قالك مجموعة من المجانين قرروا الهروب من المصحة وكان هناك حائط كبير يفصلهم بين المصحة والشارع فقرر المجنون الذي يتزعمهم بان يسقطو الحائط ويهربون و عند حلول الليل هبة رياح قوية فاسقطة الحائط وعندها خرج المجانين لاسقاط الحائط والهرب وجدو الحائط قد سقط فقال لهم زعيمهم لقد فشلة الخطة عودوا ادراجكم حتى يبنى الحائط.




قالك واحد جزائري لقى وحدة مصرية قالها واش مدايرا في حياتك
قالتلوا :انا بقرا في الكلية (باللهجة المصرية)
قالها :انا ثور في السوناطراك




قالك مرة واحد حلم فالمنام الحمار نتاعوا يهدر معاه قالوا روح تحت الشجرة تلقى 20 مليون
اديهم و اعطي للقاضي 5 ملايين بشرط كي تلقاني ميت ادفني فالمقبرة نتاع العباد
فاق السيد من الحلم و ما صدقش راح تحت الشجرة لقى 20 مليون دينار زاد رجع للدار لقى الحمار ميت
ايا بدا ينفذ وصية الحمار و دفنوا فالمقبرة نتاع العباد سكان المدينة رفضوا هاذ الشىء و شكاو بيه للقاضي ناداه القاضي و قالوا واش بيك تدفن الحمار نتاعك مع الموتى نتاعنا حكالوا السيد الحلم وقالوا راني لقيت 20 مليون والحمار راه وصاني وقالي مد 5 ملاين للقاضي
القاضي ما صدقش و قالوا واش قال المرحوم؟




هادو زوج خاوة واحد منهم دركي وواحد حفاف, قال الحفاف لأمه نوضيني بكري غدوة.. جات أمه نوضتّو, غلط الحفاف لبس لباس الدرك تاع خوه وهو نعسان شاف
روحو في لمرايا وقال: هيه... قلتلها نوضيني نوضت خويا




قالك وحد الخطرة وحد السيد اشرى كبش العيد قبل عيد الاضحى بشهرين امالا كانت العائلة كلها تدلل فيه وتلعب معاه حتى انه ياكل معهم و ينام معهم في المنزل و عشية
عيد الاضحى راح الكبش جبد روحو على العايلة و بدى يبكي جات العايلة سالتو واشبيك تبكي قالهم " قعدنا بلا عيد الناس اكل شراو الكباش غير احنا




قالك زوج دخلوا للمطعم واحد غني و الاخر فقير الغني طلب اكلة باللحم والفقير طلب صحن من الفول ايا الفقير بدا ياكل بسرعة شاف فيه الغني و قالوا قول بسم الله باش
ما يكلش معاك الشيطان دار عندوا الفقير وقالوا واش بيك الشيطان يخلي اللحم و يجي ياكل الفول



قالك زوج جيران واحد غني و الاخر فقير. الفقير عندوا المصباح السحري كل صباح يمسحوا يخرج العفريت يقولوا شبيك لبيك اطلب كل شيئ بين يديك الفقير يقولوا
اعطيني كاس شاي شافوا الغني و حسدوا على المصباح السحري و بغى يديلوا المصباح قالوا نعطيلك الفيلا و السيارة واعطيني المصباح الفقير قبل بالمقايضة . مسح
الغني المصباح وخرجلوا العفريت قالوا شبيك لبيك كل شيئ بين يديك قالوا بغيت فيلا على شاطئ البحر قالوا العفريت اسمحلي خويا نسربي غير الشاي




امرأة عجوز ذهبت الى الطبيب وقالت انا اشرب كأس ماء يخيل لي اني شربت كأسين وااكل تفاحة يخيل لي اني اكلت تفاحتين فقال الطبيب في المرة القادمة كلي نصف تفاحة سيخيل لك انك اكلت تفاحة واشربي نصف كاس ماء سيخيل لك انك شربت كاس فسالته عن الاجرة فقال40دج فأعطته20دج فقال لماذا اعطيتني 20دج الاجرة 40دج فقالت العجوز لقد خيل لي اني اعطيتك 40دج



رجل غبي جاء من الريف للمدينة لاول مرة فراى عمارة بأربع طوابق بقي يبحلق بها لمدة ساعة فراه رجل فعلم انه من الريف فقال اتظن ان النظر الى العمارة بدون دفع فقال نعم فقال لقد اخطات فكل طابق تنظر اليه يجب ان تدفع10دج فنظر ودفع 20دج لما نزل الى الريف قال لصديقه لقد نظرت حتى الطابق الرابع ودفعت له حق طابقين فقط




واحد نام مرة متاخر..... لقى الحلم بدا





مرة واحد عروبي شاف لوحة مكتوب عليها: مزرعة ابقار فسال صاحبها : كيف تزرعون الابقار!! فرد عليه نرش سكر على التراب وثاني يوم يطلع بقر
فاخذ الرجل شكارة سكر ورشها على الارض وثاني يوم راح يشوف البقر........ فوجد السكر عليه نمل
فقال:والله البقر وهو صغير شكله حلو




واحد جزائري مغترب التقى مغترب عراقي دعاه يشرب معاه قهوة
حس العراقي بالبرد فقال للجزائري :
أنا بردان من المكيف فرد الجزائري
و أنا موح من باب الواد




قالك مرة كان جحا واحد من المريكان واحد من الجابون
عطاو لكل واحد منهم مليار وقالولهم لازم تخترعو حوايج
مالا الماريكاني خدم صاروخ يروح لأي بلاصة
والياباني خدم خاتم بورتابل تكلم بيه اي واحد
اما جحا صرف دراهمو اكل قعدتلو غير مليون مالا شرى معزة وكلب
جوعهم ربعيام قبل ما يوصل وقت كي يورو اختراعاتهم
مالا بدا الماريكاني ورى اختراعو ثم الياباني وصلت دالة جحا
حط الكلب وعطاه حشيش كلاه
وحط المعزة وعطاها اللحم كلاتو
قالولو واشي هو الاختراع قالهم
على الكلب: الكاركا سة كلب والموتور معزة
على المعزة: الكاركا سة معزة والموتور كلب




قالك كان واحد الشرطي عطاولو مهمة وهي اتباع احد الارهابيين والقبض عليه
فالشرطي بدا في مهمته وكانا على اتصال ما القائد العام تاعو ايا قالو راه دخل للمطعم قالو القائد روح تبعو الشرطي قالو هو كلا كفتة وانا كليت لوبيا باش ميفيقش بيا ومنبعد قالو راه خرج راح للقهوة هوشرب قهوة وان اشربت قازوزة باش ميفيقش بيا قالو يا القائد راه وخرج راح لمحطة المسافرين قالو تبعو ايا الشرطي واش دار قال للقائد تاعو اهو ركب في الحافلة تع وهران وانا ركبت في الحافلة تع عنابة باش ميفيفقش بيا




سأل ولد أبوه : بابا كيفش نعرفوا واحد أنه سكران. جاوبه أبوه قالو:.. تلك الشجرتين يشوفهم السكران أربعة شجرات. التفت الولد ولم يجد إلا شجرة واحدة؟؟؟



قالك شاذلي كره من كثرة النكت اللي خرجت عليه. لم قع النكت و دارهم في كتاب ورماه في البحر. زاد شوية خرج حوت ميت بالضحك


وحد النهار الارهاب لقفو كار دبحو قاع اللي كانو فيه وخلو عجوزة كي جاء الامن لقاوها ترفد الرؤوس تشوف فيها
قالولها روحي ريحي ومن بعد نخلولك باه تتعرفي على الجثة تاع ولدك قالتلهم لا راني نحوس على الروسوفور باه يرجعلي
الرجوع الى أعلى الصفحة اذهب الى الأسفل
http://www.facebook.com/abdou.skofild
بنت البحيرة
عضو جديد
 عضو جديد
avatar

وطني :
تاريخ التسجيل : 01/04/2012
عدد المساهمات : 7
عدد النقاط : 11
العمر : 28

الجنس : انثى
العمل :
شعوري :
السٌّمعَة : 0

مُساهمةموضوع: رد: نكة جزائرية    الأحد سبتمبر 16, 2012 4:22 pm

يعطيك الصحة على هذه النكت الراااائعة جدا خاصة نكتة المجانين. الله يوفقك مرح
الرجوع الى أعلى الصفحة اذهب الى الأسفل
 
نكة جزائرية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتـــدى آفــاق المنيعــة :: منتدى الترفيه :: منتدى النكت و الألغاز-
انتقل الى: